Prezıdent Qasym-Jomart Toqaev Qazaqstannyń Meksıkadaǵy elshisi Andrıan Elemesovti qyzmetinen bosatty. Bul týraly Akorda saıty habarlady.

"Memleket basshysynyń jarlyǵymen Andrıan Kópmaǵambetuly Elemesov Qazaqstan respýblıkasynyń Meksıka qurama shtattaryndaǵy tótenshe jáne ókiletti elshisi qyzmetinen, Qazaqstan Respýblıkasynyń Domınıkan respýblıkasyndaǵy, Iamaıkadaǵy, Panama respýblıkasyndaǵy, Kosta-Rıka respýblıkasyndaǵy tótenshe jáne ókiletti elshisi qyzmetin qosa atqarýdan bosatyldy" delingen habarlamada.

Adrıan Elemesov Kópmaǵambetuly 1963 jyly 10 shildede dúnıege keldi. Eńbek jolyn 1985 jyly jumysker, brıgadır, sheber, prorab, "Shymkentqurylys" tresiniń komsomoldyq uıymynyń hatshysy qyzmetinen bastady.

2012 jyldyń 8 maýsymynan Qazaqstannyń prezıdenti ókimimen Qazaqstannyń Italıa respýblıkasyndaǵy tótenshe jáne ókiletti elshisi bolyp taǵaıyndaldy.

2015 jyly Qazaqstannyń Meksıka qurama shtattaryndaǵy tótenshe jáne ókiletti elshisi qyzmetine taǵaıyndaldy.