Almaty oblysyndaǵy janarmaı quıý beketindegi jarylystan japa shekken eki azamattyń biri kóz jumdy. Bul týraly astanatv.kz habarlady.

Dárigerlerdiń aıtýynsha, denesin 90 paıyz kúıik shalǵan 72 jastaǵy kólik júrgizýshisi aýrýhanada jan tapsyrǵan. 

– Denesiniń 90 paıyzy kúıgen. Aýyr jaraqatpen reanımasıaǵa jatqyzyldy. Ókinishke qaraı saǵat keshki 8-ge taman qaıtys boldy. Marqumnan eshqandaı da ishimdiktiń belgileri bolǵan joq, – dedi "Eńbekshiqazaq aýdanaralyq kópsalaly aýrýhanasy" SHJQ KMK bas dárigeriniń orynbasary Dıdar Aıtjanov.

6 tamyz kúni saǵat 10 shamasynda Esik qalasynda ornalasqan janarmaı quıý beketinde "Land Cruiser Prado" markaly avtokólik gaz sısternasyna soǵylýynan jarylys bolǵan.

Alaıda marqumnyń týystary "bul jerde taǵy bir kináliniń bolýy múmkin" deıdi. Endi olar áleýmettik jeli arqyly jarylysty kózimen kórgen kýágerlerdi izdestirýde. Qazir tergeý amaldary júrip jatyr.