Nur-Sultan qalasynda jedel járdem kóligi jeńil avtokólikke soqtyǵysty. Bul týraly qalanyń polısıa departamenti habarlady.
Oqıǵa 8 tamyz saǵat 3:40 shamasynda Qabanbaı batyr dańǵyly men Kereı-Jánibek handar kóshesiniń qıylysynda bolǵan.
"45 jastaǵy jedel járdem júrgizýshisi baǵdarshamnyń qyzyl janǵanyna qaramaı kólikti júrgizgen. Nátıjesinde Lada Priora jeńil kóligimen soqtyǵysyp bes adamdy jaraqattady. Onyń ishinde eki jedel járdem qyzmetkerin, arnaıy kólikte bolǵan eki naýqas jáne Lada Priora júrgizýshisi bar" delingen departament taratqan habarlamada.
Qazirgi ýaqytta apattyń mán-jaıy boıynsha tergeý amaldary júrgizilýde.
Pikir qaldyrý