Búgin Halyqaralyq jastar kúni. Osyǵan oraı Elbasy men Memleket basshysy bastamashy bolǵan #BizBirgemiz respýblıkalyq aksıasynyń belsendileri men volonterlaryna taǵy da alǵys aıtqym keledi. Bul týraly "Nur Otan" partıasy tóraǵasynyń birinshi orynbasary Facebook jelisindegi paraqshasynda jazdy.

"Osynaý kúrdeli kezeńde biz jastarymyzdyń jankeshti qaısarlyqtary men úlken júrekti patrıottyqtaryna kýá boldyq.

5 myńnan astam jasotandyqtar men eriktiler búkil el kóleminde muqtajdarǵa azyq-túlik sebetterin, maskalar men birinshi kezekte qajetti zattardy jetkizip berdi. "Jas Otan" volonterlary Maqtaraaraldaǵy sý basýdan zardap shekken turǵyndarǵa da alǵashqylardyń biri bolyp kómekke keldi.

Bizdiń jastar qanatymyz jýyrda "Dárigerlerge myń alǵys!" atty taǵy bir aksıaǵa bastamashy boldy. Osy shara aıasynda búkil el boıynsha medısına qyzmetkerlerine qymyz, shubat jáne ımýnıtetti kúsheıtetin basqa da ónimderden turatyn "Alǵys paketterin" jetkizip berdi. 

YNTYMAQSHYLDYQ – partıamyzdyń basty qundylyqtarynyń biri. Ol rýhy kúshtilerdiń álsiz jandarǵa, baqýatty kisilerdiń turmysy tómenderge, densaýlyǵy jaqsy adamdardyń  naýqastarǵa, jasy úlkenderdiń ózinen kishilerge janashyr bolýynan tanylady.

Elimizde ózderin jáne aınalasyn jaqsy jaqqa qaraı ózgertýge qushtar urpaqtyń ósip kele jatqany súısindiredi. Bul – jasampazdyqqa den qoıǵan, jaýapkershilik ala alatyn, yntymaqshyldyq tanytyp, ózara qolushyn berýge daıyn býyn. #BizBirgemiz ıdeıasynyń da máni, osy.

"Nur Otan"-nyń aldaǵy partıaishilik praımerızi jastardyń ózderin kórsetýlerine, básekelik saıası kúreste lıderlik qabiletterin aıqyndaýlaryna múmkindik beredi dep oılaımyn.

Bizdiń maqsatymyz ­– Májilis pen barlyq deńgeıdegi máslıhattarǵa alda bolatyn saılaýlarǵa aıqyn partıalyq tizimderdi qalyptastyrý úshin jańa lıderlerdi anyqtaýda barynsha ashyq irikteý ótkizý. 

Bul úshin Elbasynyń sheshimimen 35 jasqa deıingi jastarǵa "Nur Otan"-nyń partıalyq tizimderinde arnaıy 20%-tik kvota kózdelgen.

Praımerız barysynda óz aýdany, qalasy, oblysy úshin eń laıyqty ókilder tańdalyp alynatynyna senimdimin. Olar belsendi túrde jastardyń múddesin qorǵaıtyn bolady.

Partıamyzdyń Lıderi Nursultan Nazarbaevtyń tapsyrmasyna sáıkes partıanyń jas jaqtastary besjyldyq "Jastar – Otanǵa!" Jastar baǵdarlamasynyń jobasyn ázirledi.

Álemdik ozyq tájirıbelerdi jáne elimizdiń búkil óńirinen jastardan túsken 3 myńnan astam usynysty eskere otyryp daıyndalǵan bul qujat "Jas Otan" saıtynda jarıalandy.

Baǵdarlamada jastardyń negizgi 5 máselesi qamtylyp, olardy sheshý joldary usynylǵan. 

Bizdiń kúsh-jigerimiz qoljetimdi baspana jáne jas otbasylarǵa qoldaý kórsetý, jumyspen qamtý, sapaly bilim, eldiń qoǵamdyq-saıası ómirine qatysý sekildi negizgi máselelerge jumyldyrylatyn bolady.

Árbir baǵyt boıynsha keshendi sharalar ázirlenip, naqty ındıkatorlar belgilengen.

Baǵdarlamanyń túpkilikti nusqasy "Jas Otan" alańynda qyrkúıekte talqylanatyn bolady. Sol ýaqytqa deıin árkim óz eskertýleri men usynystaryn engize alady.

Jastar – elimizdiń bolashaǵy! Biz Jastarmen Birgemiz!

#BizBirgemiz" delingen Baýyrjan Baıbek jazbasynda.