Áleýmettik jelide Túrkistan oblysy Arys qalasynda jarylys bolǵany týraly aqparat tarady. Arys qalasy ákiminiń baspasóz qyzmeti bul josparly zalalsyzdandyrý jumystary ekenin, jalǵan aqparat taratýshylar jaýapkershilikke tartylatynyn habarlady.
"Qurmetti Arys qalasynyń turǵyndary men qala qonaqtary!
2020 jyly tamyz aıynyń 13 kúni Arys áskerı gonızony aýmaǵynda josparly zalalsyzdandyrý jumystary júrgizildi. Zalalsyzdandyrý jumystary qorǵanys mınıstrliginiń arnaıy mamandarynyń baqylaýynda. Alańdamaýlaryńyzdy suraımyz. Bul jumystar Arys qalasynyń halqy úshin qaýip tóndirmeıdi. Qaýipke negiz joq. Úreıge boı aldyrmańyzdar!!! Jalǵan aqparat taratýshylar zańǵa sáıkes jaýapkershilikke tartylatyndyǵyn nazarlaryńyzǵa jetkizemiz" delingen habarlamada.
Ákimdiktiń instagram jelisindegi paraqshasynda jarıalanǵan aqparattyń pikirler bólimi jabyq turǵan soń, halyq aldyńǵy jazbalarǵa jarylysqa qatysty "Syrtqa shyqsaq vırýstaryń, úıde otyrsaq jarylystaryń-aq bále boldy", "týsten keıin nemenege salyp jatsyndar eskertýdi?!", "Ýjaaaaaas júregimiz jarylyp óletin boldyq qoı" degen pikirlerin jazyp jatyr.
Pikir qaldyrý