Instagram jelisinde Nur.otankz paraqshasy utys oıynyn ótkizip jatyr.
Paraqsha profıline NurOtan partıasynyń logotıpi men Almaty qalasy qoǵamdyq densaýlyq basqarmasynyń basshysy Kamaljan Nadyrovtyń sýretinen jasalǵan kollaj qoıylǵan.
Paraqshada jarıalanǵan sońǵy jazbalarda oıyn sharttary jazylǵan. Jazbanyń orfografıasy men pýnktýasıasy ózgerilmesten usynylyp otyr.
"Sizge 1 saǵatta kaspııge aqsha aýdaratyń bolamyz daıyn otyryńyzdar
Búgingideı qıyn-qystaý kezde kredıtti keshirý azamattarǵa úlken kómek bolsyn degen oımen ózimniń konkýrsymdy bastamakshymyn jáne paraqshamyzǵa kirsender regıstrasıa degen jerde saıt tur sol jerde opros ótip ketińder opros ótkenderdiń arasynda oınatamyz
Dostar bizdiń paraqshamyz qosh keldińizder
Siz jaı ǵana:
tirkelesiz✔️
1) Maǵan @nur.Otankz
meniń barlyq dostaryma tirkelesiz✔️
2) maǵan laık basyp kez kelgen 5 komment jazasyz ✔️ shart oryńdaǵan ár adamǵa 5000 tenge jáne dostaryńyz belgileımyz 5 10 basqalaride bilsiń
Osy eki shartty oryndap kútseńiz bolǵany qarjylaı kómek nemese bar kredıtińiz keshiriledi
Bárinizge sáttilik ??? erten saǵat 00.00 tikeleı efırde kómekshilerim kirip oınatady sáttilik. #shymkent"delingen paraqshadaǵy jazbada.
NurOtan partıasy baspasóz qyzmetiniń ókilderi Qamshy tilshisine paraqshanyń partıaǵa qatysy joq ekenin, partıa tarapynan eshqandaı utys oınatylyp jatpaǵanyn habarlady.
"Bul aqparat jalǵan. NurOtan partıasy eshqandaı oıyn ótkizip jatqan joq. Biz osyndaı paraqshalarmen alysyp kele jatqanymyzǵa biraz boldy" dedi baspasóz qyzmetindegiler.
Sondaı-aq paraqshanyń bıodaǵy siltemesine "Qamshy" aqparat agenttiginiń "Kredıtti keshirýdi qoldaısyz ba?" saýalnamasynyń siltemesi ornalastyrylyp qoıylǵan. Qamshy portaly bul siltemeredaksıa ruhsatynsyz salynǵanyn eskertedi.
Sonymen qatar Qamshy portaly saýalnamaǵa qatysqandar arasynda utys oınatylady degen aqparattyń jalǵan ekenin eskertedi.
Pikir qaldyrý