12 tamyzda Qaraǵandy oblysy Balqash kólinde Prıozersk qalasynan 5 km qashyqtyqta 11 jastaǵy balasyn qutqarmaq bolǵan áke sýǵa batyp ketti. Bul týraly oblystyq tótenshe jaǵdaı departamenti habarlady.

Úrlenetin tósenishpen júzip júrgen bala kól jaǵasynan uzap ketip, kómekke shaqyrǵan. Balasynyń aıqaıyn estigen áke oılanbastan sýǵa qoıyp ketken. Alaıda balasyna jetpesten orta jolda sýǵa batyp, mert boldy.

Artynan kelgen qutqarýshylar balany jaǵaǵa aman-esen jetkizdi. Al eresek adamdy 12 tamyzdyń keshinen beri izdep, tek kelesi kúni ǵana óli denesin tapqan.

– Balanyń ákesi qutqarýshylardy kútpeı kómekke júgirgen. Biraq ol balaǵa jete almady. Oqıǵa ornyna jetken qutqarýshylar jaǵadan 850 metr qashyqtyqqa ketip qalǵan balany jaǵaǵa jetkizip, er adamdy izdeı bastady. İzdeý jumystary qarańǵyǵa deıin sozylyp, 13 tamyzda tańerteń qaıta jalǵasty. Sýǵa batyp ketken adamnyń denesi 12 tamyzda saǵat 10:40-ta jaǵadan 350 metr qashyqtyqtan tabyldy, – dedi TJ departamentiniń resmı ókili Janna Dáýrenbekova.