Bostandyq aýdany múgedekter qoǵamy basqarmasynyń tóraǵasy Ulan Áskerbekuly almatylyqtardy karantın rejımi aıaqtalǵannan keıin de sanıtarlyq talaptardy qatań saqtaýǵa shaqyrdy.

– Jahandy jaýlaǵan qaýipti indet Qazaqstanǵa da keri áserin tıgizdi. Ókinishke qaraı elimizde koronavırýstan qaıtys bolǵan adamdar da kóp boldy. Keıinnen úkimet elde karantın rejımin qatań engizip, indettiń aldyn alý sharalaryn der kezinde qolǵa aldy. Engizilgen karantınniń paıdasy zor boldy. Budan aldyn kúnine 1600-1700-ge jýyq naýqas vırýs juqtyrǵan bllsa, qazir ol kórsetkishten tómendedi, – dedi Ulan Áskerbekuly.

Ol karantın rejımi aıaqtalsa da arnaıy sanıtarlyq talaptardy saqtaýdy umytpaý qajettigin atap ótti.

– Karantın kezinde kóptegen bıznes ortalyqtardyń jumysy toqtatyldy. Árıne olarǵa úkimet tarapynan 42 500 teńgelik áleýmettik tólem taǵaıyndaldy. Endi 17-shi tamyzdan bastap elde karantın rejımi jeńildetilip, kásipkerler qaıtadan jumysyn bastaıdy. Osy ýaqytta barlyq adamdar sanıtarlyq talaptardy qatań saqtap, antıseptık, maska taǵyp araqashyqtyq saqtaýdy umytpasa degim keledi. Almatylyqtar bul qaýipti aýrýdyń taraýyna jol bermeı, qanshalyqty qaýipti ekenin túsinse deımin, – dep sózin túıindedi ol.