16 tamyzǵa qaraǵan túni London qalasynda Qazaqstannyń eks-prezıdenti Nursultan Nazarbaevtyń jıeni Aısultan Rahat qaıtys boldy. Bul týraly zakon.kz  habarlady.

Aısultan Rahat – Darıǵa Nazarbaeva men Rahat Álıevtiń ekinshi uly. Ony buqaralyq aqparat quraldary kóbinese "prezıdenttiń súıikti jıeni" dep ataıdy.

Ol 1990 jyly 26 tamyzda dúnıege kelgen. Bala kezinen fýtbolǵa qyzyǵatyn. 2006 jyly Qazaqstannyń jasóspirimder quramasynyń sapynda Eýropa chempıonatynyń irikteý týrnırine qatysty. "Chelsı" jáne "Portsmýt" jastar komandalary men qazaqstandyq "Astana" komandasynda oınaǵan.

2013 jyly "QazRomGaz" AQ basshysy Qaırat Boranbaevtyń qyzyna úılengen bolatyn. 2016 jyldyń jazynda qyzdy boldy.

Aısultan Rahat sońǵy jyldary facebook jelisine jıi jazba qaldyryp, óziniń esirtkige áýes bolǵany, abaqtyda otyryp shyqqany, ákesiniń Nursultan Nazarbaev ekeni týraly málimdegen.

Sondaı-aq onyń Londondaǵy klınıkalardyń birinde emdelip jatqany jaıly aqparat shyqqan.