"Asyl arna" telearnasynyń bas dırektory, aıtysker aqyn Muhamedjan Tazabek áleýmettik jelidegi paraqshasynda Aısultan Rahatpen Mekkede birge bolǵanyn jazyp, jaqyndaryna kóńil aıtty.

"Onshaqty jyl buryn Aısultanmen birge qasıetti Mekkede birge bolyp, ýmra qajylyǵyn atqarǵan edik. Eki-úsh kúnniń ishinde qatty áserlenip, jany nurlanyp, kóp jaqsy sózder aıtqan edi.
Ásirese, qaıtar jolda, elge jetkenshe ushaq ishindegi úsh-tórt saǵattyq áńgime áli esimde.

"Aǵa, qazirgi jastardy bilmeısiz ǵoı, qatty ózgerip ketti. Rýhanı qundylyq degender aıaq asty bolyp, jastar tek qana bir kúndik rahatyn ǵana oılaıdy. Olar ártúrli oıyndardyń qyzyǵyna kirgeni sondaı, dárethananyń ishine sýsyny men tamaǵyn ala kirip, qajettilik óteıtin jerdiń qaıaýynda saǵattap otyrady" degenin estip, júregim aýyrǵan edi.
"Boldy, elge jetkesin ózim de bútindeı ózgerem, dostarymdy da ımandylyqqa, izgilikke tartam" dep, shabyttanyp, erekshe eseıip oralǵan edi...

Ókinishti...

Táýbege bútindeı keletin, Allanyń súıikti quly atanyp, "tolyq adam" beınesinde ózine de, otbasy, ortasyna da jaqsylyǵyn jaıatyn jasynda jaman ortanyń kesapatynan arqanyn úze almaı, qyrshynynan qıyldy.

Uly saparda birge bolǵan baýyrymyz edi, aqyretin Uly Rabbymyzdyń ádildigine tapsyramyz.

Joqtaýshylary men janashyrlaryna kórkem sabyr bersin!" delingen jazbada.

Búgin Qazaqstan eks-prezıdentiniń jıeni Aısultan Rahattyń qaıtys bolǵany habarlandy.