Qazaqstannyń eks-prezıdenti Nursultan Nazarbaevtyń jıeni Aısultan Rahattyń dúnıeden ótýine baılanysty Nazarbaevtar áýletiniń keıbir músheleri áleýmettik jelide jazba jarıalady.

Qaraly habar shyqqannan keıin birneshe saǵat ótkende Nazarbaev qorynyń áleýmettik jelidegi paraqshasynda Aısultannyń anasy, senattyń eks-spıkeri Darıǵa Nazarbaeva ulynyń dúnıeden ozýyna baılanysty pikir bildirdi.

"Bizdiń otbasymyz súıikti Aısultanymyzdyń dúnıeden ozǵanyna baılanysty qaıǵyryp jatyr. Osy qaraly kezeńde halyq bul orny tolmas qazaǵa túsinistigi men ádeptiligin tanytady dep senemiz" delingen jazbada.

17 tamyzda Aısultannyń aǵasy Nurálı Rahat áleýmettik jelidegi paraqshasynda baýyry ekeýiniń bala kezde túsken sýretterinen vıdeojazba jarıalady.

– Qymbatty baýyrym, qazir meniń qandaı halde ekenimdi sózben aıtyp jetkizý múmkin emes. Saǵan kóp dúnıeni aıtqym keldi. Kóp nárse aıtylmaı qaldy. Sen meniń jadymda máńgilik qalasyń. Seni únemi jaqsy kóretin bolamyn. ÁITEÝİR JANYŃ JAI TAPSYNSHY! – dep jazdy.

17 tamyz kúni Nursultan Nazarbaevtyń kenje qyzy Álıa Nazarbaeva áleýmettik jelide otbasyndaǵy qaıǵyǵa kóńil aıtyp jatqandarǵa alǵysyn bildirdi.

"Qurmetti dostar, meniń otbasymmen birge qaıǵyryp, kóńil aıtyp jatqandaryńyzǵa óz alǵysymdy bildiremin. Alla sizderge mundaı qaıǵy bermesin dep tileımin. Balalaryńyz tek janyńyzda bolsyn!" delingen áleýmettik jelidegi paraqshasynda.