Almaty oblysy Jambyl aýdanynda kesenedegi sadaqa jáshigin buzǵan kúdikti áıel ustaldy. Aqparatty aýdanndyq polısıa bóliminiń bastyǵy Asqan Tegenbaev rastady. 

Polısıa bólimi bastyǵynyń málimetinshe, qylmysqa qatysy bar degen kúdikpen 39 jastaǵy áıel adam polısıa bólimshesine jetkizilgen. Onyń jaqyn mańdaǵy aýyl turǵyny ekeni anyqtalǵan. Kúdiktiden qoldy bolǵan qarajat tárkilendi. Atalǵan derek boıynsha QR Qylmystyq kodeksiniń 188-babyna sáıkes sotqa deıingi tergeý amaldary júrgizilýde.

Sondaı-aq, tergeý barysynda kúdikti buǵan deıin kesenege kelip, qarjy salynǵan jáshiktiń esh baqylaýsyz turǵanyna kóz jetkizgeni belgili boldy. Alǵashqyda tekserip júrgen de, kelesi joly daıyndyqpen kelgen áıel jáshiktiń qulpyn buzyp, ishindegi qarajatty alyp ketken.

Kúdikti áıel mekenjaıyn ózgertpeý týraly mindettememen bosatyldy. Onyń budan ózge de osyǵan uqsas qylmystarǵa qatysy bary tekseriletin bolady.