Densaýlyq saqtaý mınıstrligi ótken táýlikte Qazaqstanda koronavırýs pen pnevmonıadan 26 adamnyń qaıtys bolǵanyn málimdedi.

"Ótken táýlikte koronavırýs belgileri bar pnevmonıanyń 1081 jaǵdaıy tirkeldi, 11 adam kóz jumdy. Birinshi tamyzdan beri 19 754 adam pnevmonıaǵa shaldyqty, barlyǵy 231 adam qaıtys boldy. Sonymen qatar, táýlik ishinde taǵy 15 naýqas koronavırýstan kóz jumdy. 271 adam vırýs juqtyrǵan, onyń 148 – sımptomsyz pasıent" delingen habarlamada.

Osy jyldyń 13 naýryzynan 19 tamyzyna deıin 103 571 adam indetke shaldyqty, 1446 naýqas qaıtys boldy.

Qazirgi ýaqytta koronavırýstyq ınfeksıadan 15 839 adam em qabyldaýdy jalǵastyrýda. Olardyń arasynda 71 óskinshek bala bar. Stasıonarlarda  7 383 naýqas jatyr. 8 456 adam ambýlatorıalyq jaǵdaıda emdelýde.

Jalpy naýqastardyń arasynda 366 adamnyń ahýaly nashar. Sonyń ishinde 90 naýqastyń ahýaly asa qatty aýyr dep baǵalanýda. 59 naýqas ókpeni jasandy jeldetý apparatynda jatyr.