Qazaqstannyń bas sanıtar dárigeri Aıjan Esmaǵambetova aldaǵy demalys kúnderi karantın qaıta kúsheıtilip, belgili bir nysandardyń jabylatynyn málimdedi.

Bas sanıtar dárigerdiń aıtýynsha, úkimet epıdemıologıalyq jaǵdaıdy odan ári turaqtandyrý úshin demalys kúnderi shekteý sharalaryn saqtaýy qajet.

Senbi jáne jeksenbi kúnderi qandaı nysandar jabyq bolady:

1. saýda úıleri, saýda jelileri, saýda oıyn-saýyq ortalyqtary (onyń ishinde sýpermarketter men dárihanalar jumysyn toqtatpaıdy);
2. jabyq azyq-túlik jáne azyq-túlik emes bazarlar;
3. sulýlyq salondary, shashtaraz, spa-ortalyqtar, kosmetologıalyq qyzmet kórsetetin nysandar;
4. fıtnes ortalyqtar men sporttyq-saýyqtyrý ortalyqtary;
5. qoǵamdyq monshalar men saýnalar;
6. balalar jáne eresekter bilim berý ortalyqtary, korreksıalyq kabınetter;
7. daladaǵy atraksıondar.

Demalys kúnderi 65 jastan asqan adamdardyń kóshege shyǵýy shekteledi. Qoǵamdyq kóliktiń qozǵalysyna da shekteý engiziledi.

Qazaqstanda 17 tamyzdan bastap qatań karantın rejımi jeńildetilgen bolatyn.