21 tamyz kúni Qyzylorda oblysynyń ákimi Gúlshara Ábdiqalyqova karantın shekteýleriniń jeńildetilýine baılanysty túrli azamattyq qoǵam ókilderimen kezdesti, onyń ishinde qoǵam belsendisi Sandýǵash Turlybekova da bar. Bul týraly aqparat Facebook jelisinde tarady. 

"Búgin 21.08.2020 jyly oblys ákimi G.Ábdiqalyqovanyń qabyldaýynda boldym. Jeke basymnyń jáne de basqa da kisilerdiń maǵan shaǵym aıtyp júrgen máseleleriniń sheshilýin suradym. Oryndaýǵa tıisti mekeme basshylaryna tapsyrma berdi. Ákımatqa kirer ýaqytta ana esikke bar, myna esikke bar dep biraz atdigidik shapqyladyq. Ákim hanymmen erkekpen erkekshe sóılestik degendeı áıel men áıelshe sóılesip biraz bolǵan jaıttardyń basyn sheshtik. Ákim hanym ne úshin meni tyńdamaı mashınaǵa minip ketken sebebin men ne úshin aldynan shyqqanymdy ashyq túrde aıtyldy. Hannyń qyzy degen sózde aýyzymnan ne úshin shyqqanyn sebebin ashshy bolsada shyndyǵyn jetkizdim.Ózimniń 2 jyldan beri qoǵam belsendisi bolǵaly neshe túrli ákimshilik isterge tartylyp jatqanymdy aıttym. Aldaǵy ýaqytta men ótinish etken máseleler sheshiler dep oılaımyn. Ótinishimdi jazbasha da tastadym. Egerde sottyń shyǵarǵan qaýlysy aıyppuldarym men 6 aıǵa qoıylǵan shara toqtatylmasa astanaǵa Toqaevqa baramyn. Men ózimniń quqymdy qorǵaýǵa tıistimin. Analarǵa qatysty, densaýlyq saqtaý basqarmasyna, oblystyq sobeske baılanysty da suraqtarymdy qoıyp tıisti jaýabymdy aldym. Ol máselelerde sheshimin tapsa durys bolar edi. Oblys ákimi maǵan árqashan meniń jazyp aıtyp júrgen máselelerińizdiń sheshimin tabýǵa bolatynyn da aıtty, aldaǵy ýaqytta aýdanǵa barǵanda da qabyldap otyramyn dep ýáde etti. Sonymen ákim hanymnyń qabyldaýynda bolý sátti ótti. Biraq anaý ákimniń jan jaǵyndaǵy júgirip júretin kisilerdiń nege olaı alaq julaq etip júretinine tańym bar. Ol kisilerge aıtarym ákim de ,prezıdent te, depýtat ta barlyǵy ózimiz sıaqty adamǵoı. Shylı anandaı bolyp júgire bermeńizdershi. Biz ótinishimizdi aıtýǵa baryp turmyz adam urlaýǵa emes. Ashyqtyq pen qarapaıymdylyq basshylardyń mereıin ústem qylady,osyny umytpaǵaısyzdar!!!! Barǵan esikten kirgizý kerek edi, bizdi ala ókpe qylyp shóp pen topyraqty aralatyp júgirtkenshe osy jeri yńǵaısyzdaý boldy. Aman bolyńyzdar!!!!",- delingen Sandýǵash Turlybekovanyń jazbada.

Eske salsaq, kópbalaly ana Sandýǵash Turlybekova "Qyzylorda oblysynyń ákimi Gúlshara Ábdihalyqova joldy jaýyp tastady" dep jelide vıdeo taratqan edi.