Almaty oblysy ákimi Amandyq Batalovtyń ókimimen Rýstam Álı oblys ákiminiń orynbasary qyzmetine taǵaıyndaldy. Bul týraly ákimdiktiń Facebook paraqshasynda habarlandy.
Buǵan deıin Almaty oblysy ákiminiń orynbasary qyzmetin atqarǵan Serikjan Beskempirovtiń 10 shilde kúni qaıtys bolǵany belgili bolǵan edi.
Rýstam Álı 1984 jyly týǵan. Ál-Farabı atyndaǵy Qazaq ulttyq ýnıversıtetin shyǵystaný mamandyǵy boıynsha (bakalavr, magıstratýra, doktorantýra), İ. Jansúgirov atyndaǵy memlekettik ýnıversıtetin qarjy mamandyǵy boıynsha bitirgen. Fılosofıa doktory (PhD). Birqatar ǵylymı zertteý kitaptarynyń avtory jáne birlesken avtory.
Eńbek jolyn Almaty qalasynda "Delovaıa nedelá" gazetiniń tilshisi bolyp bastaǵan. Keıin Centralasiaonlaine.com saıtynda frılanser qyzmetin atqarǵan.
"Kaspıı" Orta Azıa men Kavkazdaǵy etnomádenı jáne geosaıası zertteýler jýrnalynyń Qazaqstandaǵy resmı ókili.
"Delovaıa nedelá" gazetiniń halyqaralyq bóliminiń redaktory.
Ál-Farabı atyndaǵy Qazaq ulttyq ýnıversıtetiniń Shyǵystaný fakúltetiniń oqytýshysy.
"Delovaıa nedelá" gazeti bas redaktorynyń orynbasary.
Taldyqorǵandaǵy "Jetisý jastary" MQKK dırektory.
İ.Jansúgirov atyndaǵy JMÝ-dyń jýrnalısıka kafedrasynyń oqytýshysy.
Eskeldi aýdany Qaınarly aýyldyq okrýginiń ákimi.
Almaty oblysynyń jastar saıasaty máseleleri jónindegi basqarmasynyń basshysy.
"QR Prezıdenti janyndaǵy Memlekettik basqarý akademıasynyń" Almaty oblysy boıynsha fılıalynyń oqytýshysy boldy.
2016 jyldyń mamyrynan – Almaty oblysynyń ishki saıasat basqarmasynyń basshysy.
Pikir qaldyrý