Koronavırýs juqtyrǵan 379 adamnyń jaǵdaıy aýyr. Bul týraly densaýlyq saqtaý mınıstrliginiń resmı ókili Baǵdat Qojahmetov habarlady.

Onyń aıtýynsha, elde 13 naýryzdan bastap 104 718 adam koronavırýs indetimen tirkelgen. Onyń 92 598-i emdeldi. 10 597 adam em alyp jatyr. Em alyp jatqandardyń 52-si bala. 

– Koronavırýs juqtyrǵan 379 adamnyń jaǵdaıy aýyr. 309 adam asa aýyr dárejede aýyryp jatyr. 70 adamnyń jaǵdaıy óte qatty aýyr dárejede. 50 adam ókpeni jasandy jeldetý apparatyna qosylǵan, – dedi ol ortalyq komýnıkasıalar qyzmetindegi onlaın brıfıńte.

"Sońǵy táýlikte KVI juqtyrýdyń 175 jańa jaǵdaıy tirkelgen. 13 adam ınfeksıany jeńe almady. 22 tamyzda teris PTR testimen 24 744 adam tirkeldi" delingen brıfıńte.