Densaýlyq saqtaý mınıstri Alekseı Soı koronavırýsqa qarsy vaksınany ektirýge daıyn. Bul týraly DSM resmı ókili Baǵdat Qojahmetov  ortalyq komýnıkasıalar qyzmetinde ótken brıfıńte aıtty.

– Vaksınanyń daıyn bolýy úshin tıisti merzimdi kútý kerek, jarty jyldan kem emes. Vaksına barlyq halyqaralyq sertıfıkattaýdan ótkennen keıin, mınıstr ekpeni qabyldaýǵa daıyn ekenin aıtty. Ol densaýlyq saqtaý júıesiniń qyzmetkeri bolǵandyqtan, ekpeni aqysyz túrde alady. Densaýlyq saqtaý júıesiniń qyzmetkerleri 200 myńnan astam, olar táýekel tobyna enip otyr, – dedi Baǵdat Qojahmetov.

Sondaı-aq ol mınıstrdiń jáne kez kelgen medısına qyzmetkeriniń otbasy músheleri vaksınany óziniń qarajatyna satyp alatynyn atap ótti.