Avstralıalyq "COVID-19 zertteý bastamasy" vırýstan qorǵaıtyn antıdenelerdi jasaýda. Zertteýshiler qarttar men ımýnıteti buzylǵan basqa toptar úshin antıdeneler "vaksınanyń negizgi balamasy" bolady dep úmittenedi.

Melbýrnnyń Ýolter jáne Elıza Hol Instıtýty bastaǵan joba zerthanalyq jaǵdaıda koronavırýstyń adam jasýshalaryna juǵýynyń aldyn alatyn antıdenelerdi sátti qoldanǵan.

Buǵan Avstralıa premer-mınıstri Denıel Endrús nazar aýdaryp, úkimet qarjylandyrǵan koronavırýstyq kúres bastamalarynyń biri bolǵan.

Instıtýt dosenti Vaı-Hong Tam rak pen kóptegen ımýndyq buzylystardy emdeý úshin antıdenege negizdelgen terapıa qoldanylǵanyn málimdegen.

–Bul antıdenege negizdelgen tańǵajaıyp COVID-19 emi jáne aldyn-alý quraly bolady dep oılaımyz,–deıdi Vaı-Hong Tam.

Melbýrndegi zertteýshiler mýtasıalardyń áserine tótep berý úshin antıdenelerdiń eki túrin damytyp jatyr.

Eger tehnologıa adamdarda nátıje beretin bolsa jáne qoldanýǵa ruqsat etilse, profesor Tam onyń álsiz toptardy, sonyń ishinde vaksınaǵa ımýndyq álsiz qarttardy qorǵaý úshin qoldanylatyndyǵyn aıtty.