Bilim jáne ǵylym mınıstri Asqat Aımaǵambetov orynbasarynyń ustalǵany týraly aqparatqa pikir bildirdi. Bul týraly mınıstr ortalyq komýnıkasıalar qyzmetininiń onlaın brıfıńinde habarlady.

Brıfıńte suraq qoıǵan jýrnalısiń aıtýynsha, BAQ-ta 21 shildede antıkorrýpsıa qyzmeti bilim jáne ǵylym mınıstrliginiń joǵary laýazymdy tulǵalaryna qatysty tergeý bastalǵanyn, mınıstr orynbasary Rústem Bıǵarıdiń búdjetten bes mıllıard teńge jymqyrǵany jaıly aqparat taraǵan.

– Bul týraly aqparatty memlekettik organnyń ózinen bile alasyz. Osy ýaqytqa deıin bizge resmı túrde habarlandyrý kelmedi. Buǵan baılanysty memlekettik organdardyń ózi jaýap berse, durys bolar edi, – dedi mınıstr onlaın brıfıńte.

"Sizdiń orynbasaryńyz Rústem Bıǵarı qaıda?" degen jýrnalısiń suraǵyna:

– Meniń barlyq orynbasarlarym jumysta. Rústem Bıǵarı bul aqparatty estimedi, ol jumys istep júr. Jalpy kinásizdik prezýmpsıasy bar dep aıtqym keledi. Artyq boljamdar aıta almaımyz. Ras málimet shyqqanda, ol týraly aıtatyn bolamyz. Qazirgi tańda barlyq áriptesterim jumysta. Meniń orynbasaryma qatysty suraqtar jaıynda resmı málimet almadyq, – dep jaýap berdi mınıstr.