Qazaqstanda ótken táýlikte koronavırýs ınfeksıasynyń belgileri bar pnevmonıadan 2 adam qaıtys bolǵan. Bul týraly densaýlyq saqtaý mınıstrligi habarlady.

Ótken táýlikte koronavırýs ınfeksıasy belgileri bar pnevmonıanyń 10 jaǵdaıy tirkelip, 2 adam qaıtys bolǵan.

1 tamyzdan bastap barlyǵy 25 724 adam aýyryp, onyń ishinde 292 adam kóz jumdy. Al 5 591 adam jazylyp shyqqan.

Mınıstrliktiń habarlaýynsha, qazirgi ýaqytta koronavırýs ınfeksıasynan 7 379 adam em qabyldap jatyr. Olardyń arasynda 30 bala bar. Stasıonarlarda 3 811 naýqas jatyr. 3 568 adam ambýlatorıalyq jaǵdaıda emdelip jatyr.

Jalpy 197 naýqastyń hali nashar. Sonyń ishinde 35 naýqastyń jaǵdaıy asa qatty aýyr. 42 naýqas ókpeni jasandy jeldetý apparatynda jatyr.