Memleket basshysy Qasym-Jomart Toqaev qazaqstandyqtardy Bilim kúnimen quttyqtady. Bu týraly ol Twitter paraqshasynda jazdy.

"Mektep oqýshylary men stýdentterdi Bilim kúnimen quttyqtaımyn! Búgin jańa oqý jyly bastalady. Sizderge óz kúsh-jigerlerińizge, talpynystaryńyzǵa, eńbekterińizge súıene otyryp, bolashaqtaǵy jetistikterińizdiń irgetasyn qalaý mindeti tur.

Jańa álemdegi eń qundy dúnıe sanalatyn bilimge jol ashatyn ustazdarǵa tabys tileımin. Pandemıa mektepter men joǵary oqý oryndaryndaǵy oqý jylynyń bastalýyna keri áserin tıgizdi. Biraq bul ýaqytsha qubylys.

Úkimetke balalar men jastardyń arasynda qaýipti indettiń aldyn alyp, sanıtarlyq normalardy saqtaı otyryp, bilim berýdiń dástúrli qalpyna oralý tártibin ázirleý tapsyryldy" dep jazdy Toqaev jelidegi paraqshasynda.