Qytaı men Úndistan eki eldi bólip turǵan daýly baqylaý syzyǵynda taǵy bir qaqtyǵystyń shıelenisine tap boldy. Bul týraly South China Morning Post habarlady.

"Alaıda adam shyǵyny nemese soǵys bastalǵany belgisiz. Úndistan kúshteri Ladaktegi Pangong Szo kóline jaqyn jerde bolǵan oqıǵa Qytaı áskerleriniń bir tóbeni basyp alýǵa tyrysýynan bolǵan dep otyr" dep jazdy basylym.

Nú-Delıden alynǵan derekkóz South China Morning Post-qa qytaılyq áskerler Úndistan aýmaǵyna kirgenin aıtqan.

Úndistan armıasynyń ókili polkovnık Aman Anand qytaılyq áskerler burynǵy kelisimderdi "buzǵanyn" jáne "arandatýshylyq áskerı qımyldardy" jasaǵanyn málimdegen.

Alaıda, Qytaıdyń Syrtqy ister mınıstrligi óz áskerleriniń Úndistan terıtorıasyna kirgenin joqqa shyǵardy.

Baspasóz hatshysy Chjao Lıszán qytaılyq áskerlerge arnalǵan brıfıńte Úndistan men Qytaıdy bólip turǵan naqty baqylaý syzyǵyn "árqashan qatań saqtaıdy" dep málimdegen.

Sonymen qatar, Qytaı ókili Chjan Shýılı Úndistan jaǵyndaǵy kúshter naqty baqylaý syzyǵynan ótip, "Qytaıdyń aýmaqtyq egemendigin aıtarlyqtaı buzdy" dep málimdedi.

Sońǵy senbige qaraǵan túni bolǵan oqıǵanyń egjeı-tegjeıleri týraly basqa eshteńe aıtylmady.

Osy jyldyń maýsym aıynda Galvan alqaby aımaǵynda Qytaı men Úndistan áskerleri arasynda bolǵan úlken qaqtyǵystan keıin 20 úndi sarbazy qaza tapqan.