Memleket basshysy Qasym-Jomart Toqaev medısına qyzmetkerleriniń jalaqysy eki esege artatynyn atap aıtty. 

– Pandemıadan týyndaǵan daǵdarys bizdi kóp nársege úıretti. Máselen, dárigerlerdiń eńbegin baǵalaýdy. Al bir kezderi medısınalyq qyzmetkerler memleket nazarynan tys qalǵan edi. Árıne, mamandyqtyń mańyzdylyǵy materıaldyq qarajatpen bekýi tıis. Eń jaqyn aradaǵy búdjetti naqtylaýda medısına qyzmetkerlerine ekinshi jartyjyldyq úshin yntalandyrý ústemeaqysyn tóleýge 150 mlrd teńge bólýdi tapsyramyn, – dedi Prezıdent.

Prezıdent muny daǵdarys jaǵdaıynda ǵana emes, júıeli negizde jasaý qajettigin atap aıtty.

– 2023 jylǵa qaraı dárigerlerdiń jalaqysy ekonomıkadaǵy ortasha jalaqydan eki ese artyq bolady, – dedi Toqaev.