NASA fotolarynda úlken belgisiz nysan paıda boldy, keıbireýler bul belgisiz ushpaly nysandardyń belsendiliginiń dáleli dep sanaıdy. Boljam boıynsha beımálim nysan NASA-nyń Kún jáne Gelıosferalyq observatorıasynda (SOHO) kóringen.

Kórnekti sheteldik NLO zertteýshisi Skott Ýorıng bul nysandy baıqap, jat planetalyqtar bizge ózderin kórsetpeýge tyrysyp jatqanyn aıtqan.

Ýorıng "Men búgin Kúnniń mańynan úlken NLO taptym. NLO úlkendigi Aıdyń jartysyndaı. Men egjeı-tegjeıli málimetterdi shyǵarý úshin qarańǵy elementterdi qosqanda nysannyń bólshekteri aıqyn kórine bastady" dep málimdegen.

–Eki jaǵynda eki qanaty bar. Sondaı-aq, nysan aldyńǵy aımaqqa baǵyttalǵan jáne kemeniń artqy bóligi keń ári tegis. Nysannyń aınalasynda bulyńǵyrlyq bar, men ony kemeni qorǵaıtyn kúsh órisi dep sanaımyn. Men nysannyń qalqan aımaǵynyń joǵary sapaly kontýryn tabamyn dep kútken joq edim...meniń oıymsha, bunyń meteorıt nemese kometa ekenine sený úshin barlyq astronomdardy "NLO emes" dep sendirýge májbúr etý kerek,–deıdi belgisiz nysandardy zertteýshi.

Ýorıng ózge ǵalamsharlyqtar bar dep sanaıdy jáne "eger NASA moıyndaǵysy kelse, adamzat mundaı tańqalarlyq jańalyqtarmen kúresýge kúshi jetedi" dep senedi.

–COVID-19 taralǵanda barlyq elder kútpegen koronavırýsqa beıimdelip kóp nárse jasady, óıtkeni qoǵam bir kezderi mundaı pandemıa "múmkin emes" dep sengen bolatyn, alaıda adamzat balasy óziniń kózqarasyn tez ózgertti...Intellektýaldy kelimsekterdi ashý osylaı bolar edi, biraq olar adamdardy óltirmeıdi nemese shoshytpaıdy,-deıdi Ýorıng.