Búgin Almaty qalasynyń óńirlik komýnıkasıalar qyzmetiniń alańynda ótken onlaın suhbat barysynda Qazaqstandyq medısınalyq úzdiksiz belim berý medısınalyq ýnıversıtetiniń mıkrobıologıa, vırýsologıa jáne jalpy ımmýnologıa kafedrasynyń profesory, medısına ǵylymdarynyń kandıdaty, dosent Raýshan Tesova-Berdalına qala turǵyndaryn maska rejımin saqtaýǵa shaqyrdy.

«Mıkrob aǵzadan ol shekteletin jerde shyǵady. Koronavırýs – bul tynys joldarynyń ınfeksıasy, qozdyrýshy aýyz qýysy men muryn qýysynda bolady. Sóılesý kezinde, túshkirgende, jótelgende qozdyrýshy aýaǵa shyǵady. Sol sebepti sol sebepti ásirese qoǵamdyq kólikte maska taǵý adam túshkirgende jáne jótelgende, aýanyń aýyz ben murynǵa kirmeýi úshin maska jaqsy qorǵanys bolyp tabylady», — dedi Raýshan Tesova-Berdalına.

Sonymen birge, ol maskanyń tıimdiligi úshin ony durys taǵý kerektigin de aıtty.

«Maskany da durys taǵý kerek. Ol muryn men aýyzdy tyǵyz jaýyp turýy tıis. Jartylaı túsirilgen maskalar aksesýar retinde emes, qorǵanysh quraly retinde qoldanýy kerek», — dep tolyqtyrdy ınfeksıonıst.

Ol birrettik maskalardy spırt jáne basqa da antıseptıkalyq quraldarmen óńdeý arqyly kóp ret qoldanýǵa bolmaıtynyn aıtty. Maskadan shyǵatyn spırt býyn jutý murynnyń shyryshty qabyǵyna zıan tıgizedi. Birneshe qabattan turatyn kóp rettik matadan tigilgen maskalar bar. Negizinen olar 4-6 qabattan turady. Olardy jýýǵa, útikteýge jáne qaıtadan taǵa berýge bolady.

Suhbat barysynda Raýshan Tesova-Berdalına qorǵanysh maqsatynda ǵımarattarda, keńselerde maska taǵyp, jeldetip otyrý kerektigin eske saldy.

«Osyǵan deıin aıtqanymdaı vırýs 20-30 mınýt ómir súredi. Eger jeldetý, dymqyl tazalyq rejımi buzylǵan bolsa, vırýs 20-30 mınýttyń ishinde búkil ujymǵa juǵýy múmkin. Nemese osy kólik quralyndaǵy barlyq jolaýshylarǵa juǵýy múmkin», — dep tolyqtyrdy Raýshan Tesova-Berdalına.

Odan bólek, dáriger maskalardy durys joıýǵa keńes beredi. Betten alyp, ish jaǵyna qaraı orap, ony selofan qapshyqqa salyp, qoqys konteınerine tastaýǵa qajet. Osylaısha ınfeksıanyń taralýyn azaıtýǵa bolady.

Maska rejımin buzǵany úshin ákimshilik jaza qarastyrylǵanyn eske salamyz.