Aqtaýda parashútpen sekirý kezinde jaraqat alǵan áskerı qyzmetker aýrýhanada qaıtys boldy, dep habarlady oblystyń densaýlyq saqtaý basqarmasy.

– Muratjan Jamaýov keshe, 1 qyrkúıekte Mańǵystaý oblystyq aýrýhanasynda qaıtys boldy. Dárigerler qoldan kelgenniń bárin jasady, biraq Mańǵystaý oblystyq aýrýhanasynyń jansaqtaý bóliminde naýqas kóz jumdy. Marqumnyń otbasyna kóńil aıtamyz, – dedi oblystyń densaýlyq saqtaý basqarmasynyń baspasóz qyzmeti.

(Áriptesteri onyń sekirý sátin vıdeoǵa túsirip alǵan)

Eske sala keteıik, 5 tamyzda Aqtaýda parashútpen sekirý kezinde oqys jaǵdaı oryn aldy. Muratjan Jamaýov parashúttiń tolyq ashylmaýynan aýyr jaraqat alyp, jedel aýrýhanaǵa túsken bolatyn. 

Qorǵanys mınıstrligi áskerı qyzmetkerdiń jerden berilgen dabylǵa jaýap bermegenin jáne basqa parashútti qoldanbaǵanyn aıtty. Al, onyń anasynyń aıtýynsha, uly jerden berilgen buıryqty estı almaǵan. Iaǵnı ol resmı málimdememen kelispeıtinin jetkizdi.