1 qyrkúıek - Bilim kúni qarsańynda Almaty oblystyq polısıa departamentiniń tergeýshileri men anyqtaýshylary kómekke muqtaj jandarǵa qol ushyn berip, búldirshinderdi qýantty.

Olar balalardyń onlaın oqýyna qajetti noýtbýkter, planshetter jáne basqa da oqý quraldaryn syıǵa tartty. Endi osyndaı syılyqtardy alǵan oqýshylar tehnologıa men baılanystyń jańa quraldarynyń kómegimen bilim nárin qıyndyqsyz sińire alady.

- Biz kópbalaly, turmysy tómen otbasylarǵa qoldaý kórsetý boıynsha qaıyrymdylyq aksıalaryn odan ári jalǵastyrýǵa sheshim qabyldadyq. Qazir mektep jasyndaǵy birneshe bala tárbıelep otyrǵan birneshe otbasy bar. Ol balalardy mektepke ázirleý qajet. Biz qazirgi ýaqytta onlaın bilim berý jaǵdaıyn esepke alyp, dápterler men qalamdar ǵana emes, sonymen qatar, tehnıkalyq baılanys quraldarynyń da qajet ekenin eskerdik. Mysaly, bir otbasynda tórt bala bolsa, biz olarǵa noýtbýk pen oqý quraldary salynǵan rúkzak syıladyq. Sonymen qatar, anasymen ǵana jaldamaly páterde turatyn bala da osyndaı syılyqqa ıe boldy, - dedi Almaty oblysy polısıa departamenti anyqtaý basqarmasy bastyǵynyń orynbasary, polısıa polkovnıgi Samal Arǵynǵazınova.

Tergeýshiler bul sharanyń bir rettik qana aksıa emes ekenin jáne múmkindiginshe tergeýshiler men anyqtaýshylar odan ári jalǵastyratynyn atap ótti. Óıtkeni, balalardyń shynaıy alǵysyna bólený qýanyshyna teń keletin eshteme joq,- deıdi polıseıler.