Soltústik Qazaqstan oblysy ákiminiń orynbasary men Aqjar aýdanynyń ákimi qolastyndaǵy qyzmetkerleriniń jemqorlyq áreketine jol bergeni úshin qyzmetinen bosatyldy. Bul týraly oblystyń baspasóz qyzmeti habarlady.

Resmı derekterge saı, qolastyndaǵy qyzmetkerdiń sybaılas jemqorlyq qylmysqa jol bergeni úshin basshynyń derbes jaýapkershiligi zańyna sáıkes laýazymdy tulǵalar – SQO ákiminiń orynbasary Anton Fedáev pen Aqjar aýdanynyń ákimi Erbatyr Madárov qyzmetinen ketti.

Eske sala keteıik, SQO ákimdiginiń memlekettik sáýlet-qurylys baqylaý jáne lısenzıalaý basqarmasynyń basshysy Batyrbek Qalabaev jalpy somasy 650 myń teńge shamasynda para aldy dep kúdikke ilingen bolatyn.

Ol Aqjar aýdany Talshyq aýylynda salynyp jatqan dene shynyqtyrý-saýyqtyrý keshenin salý barysynda sybaılas jemqorlyqqa jol bergen.

Oblys ákimi Qumar Aqsaqalov prezıdent ákimshiliginiń kelisimimen buıryqqa qol qoıdy.