Bilim jáne ǵylym mınıstri Asqat Aımaǵambetov áleýmettik jelidegi paraqshasynda bilim berý mekemelerinde qazaq tilin oqytýǵa qatysty aýqymdy ózgerister engizilip jatqanyn jetkizdi.

– Mınıstrlik bilim berý mekemelerinde qazaq tiliniń oqytylýyna qatysty birshama aýqymdy ózgerister jasalýda. Atap aıtqanda, endi balabaqshalarda aǵylshyn tili mindetti pán retinde oqytylmaıdy. Bala jastaıynan óz ana tilinde tárbıe alýy kerek. Osy tusta, Memleket basshysy Qasym-Jomart Kemeluly "Ana tili" gazetine bergen suhbatynda: "Mektepterdiń bastaýysh synyptarynda qazaq tiline basymdyq berilgeni durys" degen usynysy bizdiń jumysymyzda qoldanylady. Budan bólek, qazaq tiliniń baǵdarlamasy da ózgertilmek. Aldaǵy ýaqytta gramatıkany oqytýǵa bólinetin saǵat sany artady. Oqýshynyń durys jazýy men sóıleýi úshin, oıyn tıanaqty jáne saýatty jetkizýdegi gramatıkanyń orny erekshe. Bul tusta biz taǵy da Ahmet Baıtursynulynyń eńbekterine júginemiz, – dedi mınıstr.