Qazaqstan respýblıkasynyń burynǵy prezıdenti Nursultan Nazarbaevqa ıadrolyq qarýsyzdandyrý úshin "chempıon statýsy" berilgen-berilmegeni týraly kúdikter qazaq baspasózinde kóterilgen. Buǵan sebep, BUU Bas Assambleıasynyń 29 tamyz Halyqaralyq ıadrolyq synaqtarǵa qarsy is-qımyl kúnine arnalǵan arnaıy sesıada BUU Bas Assambleıasynyń 74-shi sesıasynyń Tóraǵasy Muhammad Tıjanı-Bande jáne Iadrolyq synaqtarǵa jappaı tyıym salý sharty uıymynyń (IaSJTSHU) atqarýshy hatshysy Lassına Zerbo Qazaqstannyń eks-prezıdenti týraly "championing" degen sózdi qoldanǵan bolsa da, "chempıondyq statýs" týraly eshqandaı sóz aıtpaǵan. Degenmen, Qazaqstan syrtqy ister mınıstrligi Nazarbaevqa ıadrolyq synaqtardan azat etý úshin "chempıondyq statýs" berilgeni jaıynda aqparat taratqan.

Al, Azattyq.org jáne factcheck.kz sıaqty saıttar "championing" degen sózdi negizge alyp, BUU men IaSJTSHU-da aıtylmaǵan "chempıondyq statýsqa" kúmán keltirgen. 

Osyǵan baılanysty Qamshy redaksıasy Iadrolyq synaqtarǵa jappaı tyıym salý sharty uıymyna (IaSJTSHU) resmı hat joldaǵan bolatyn.  IaSJTSHU Qamshy jýrnalısiniń saýalyna jaýap berdi. Uıym Nazarbaevtyń "chempıon statýsyn" alǵanyn rastady jáne jaqyn arada tolyq habarlama jasaıtynyn málimdedi.

"Qurmetti Talǵar,

Sizge dereý habarlasý múmkin bolmaǵany úshin keshirim ótinemin, biraq men munyń durystyǵyn rastaǵanyma óte qýanyshtymyn jáne biz jaqyn arada tolyq habarlama jasaıtyn bolamyz.

Qurmetpen,

Gıll Túdor

Qoǵamdyq aqparat bóliminiń bastyǵy

Quqyqtyq jáne syrtqy baılanystar bólimi

Iadrolyq synaqtarǵa jappaı tyıym salý týraly shart uıymy (IaSJTSHU)

Vena halyqaralyq ortalyǵy"

dep jazylǵan resmı jaýap hatta. 

Jaýaptyń aǵylshyn tilindegi túpnusqasy tómende berildi:

Dear Talgar,

I’m sorry I wasn’t able to get back to you immediately but am very glad to confirm this is correct, and we will be making a full announcement very soon.

Best regards, 

Gill Tudor

Chief, Public Information Section

Legal & External Relations Division

The Comprehensive Nuclear-Test-Ban Treaty Organization (CTBTO)

Vienna International Centre