Almatynyń jedel járdem qyzmeti kúz-qys maýsymyna daıyn. Bul týraly óńirlik komýnıkasıalar qyzmetiniń alańyndaǵy onlaın-brıfıng barysynda Almaty qalasynyń Qoǵamdyq densaýlyq saqtaý Basqarmasynyń basshysy Kamaljan Nadyrov aıtty.

Qala ákimshiligi kúz-qys kezeńinde epıdemıologıalyq jaǵdaıdyń keri damýyna qalany jan-jaqty daıyndaý júrgizilýde. Qoǵamdyq densaýlyq saqtaý Basqarmasy basshysynyń aıtýynsha, jedel járdem qyzmeti shaqyrtýlardy qabyldaýǵa tolyǵymen daıyn.

«Jedel medısınalyq járdem qyzmetinde 3000-nan astam jumys isteıdi, bul 180 brıgada bolyp sanalady. Onyń ishinde 365 dáriger, 1388 feldsher bar. Osy turǵyda jedel járdem qyzmeti kúzgi jáne qysqy kezeńge daıyn ekenin atap ótken jón. Vırýs órshigen shaqta qyzmet kórsetý táýligine 500-ge deıin pasıentti qabyldaýy múmkin degen boljam bar. Qosymsha 55 jedel járdem kóligi kelip túsedi dep kútilýde», — dep málimdedi Kamaljan Nadyrov.

Sonymen birge, jedel járdem jumysynda suranystyń azaıǵany baıqalady. Ótinishter men shaqyrtýlar sany sońǵy aıda 2200-den 1400-ge deıin 1-3 sanat boıynsha jáne 280-nen 170-ke deıin 4 jedeldik sanaty boıynsha azaıdy. Buǵan deıin, aýrý órshigen shaqta jádel járdem táýligine 8000-ǵa deıin ótinish qabyldasa, árbir ekinshi qońyraýdan soń brıgada naýqastyń úıine barady.

«Shilde aıynyń basynda barlyq ótinishterdiń 50 paıyzy koronavırýsqa kúdikti naýqastar boldy. Búginde shaqyrtýlar qatarynda JRVI, pnevmonıa jáne koronavırýsqa baılanysty ótinishter sanynyń azaıǵanyn baıqaýǵa bolady. Bul barlyq qońyraýlar sanynyń 10 paıyzynan aspaıdy», — dep tolyqtyrdy K. Nadyrov.

Sonymen birge, brıfıń barysynda úıdegi medısınalyq baqylaýda 906 adam bar ekeni belgili boldy. Onyń ishinde 498 adamda aýrý belgileri bolmasa, 408 naýqasta sımptomdy, negizinen jeńil formadaǵy naýqastar.

«Sońǵy aıda osy kategorıadaǵy pasıentter sany shamamen 3ese azaıdy. Aýrý órshigen kezde 2450-den astam adam úıde em aldy. AMSK deńgeıinde de KVI-ǵa shaǵymdanýshylar men emhanaǵa pnevmonıamen kelýshiler sany 36 paıyzǵa azaıdy. Shildeniń ortasynda qalanyń emhanalarynda 1300-den atam pasıent kelse, búginde emhanalarǵa KVI kúdikpen táýligine 450 adam keledi», — dep qorytyndylady K.Nadyrov.