Qytaı armıasy Úndistan shekarasyna jınalyp, áskerı jattyǵýlaryn bastady. Jergilikti BAQ Qytaı armıasynyń 1000 sarbazy men 100 áskerı tehnıkasy Qytaıdyń soltústik-batysyna jiberilgenin habarlady.

Áleýmettik jelilerde temirjol arqyly iri qarý-jaraq pen sısternalardyń tasymaldanyp jatqanyn kórsetetin beıneler jarıalandy.

CGTN jańalyqtarynyń prodúseri Shen Shı Veı vıdeony Twitter-ge shyǵaryp, "Kúte turaıyq" dep jazǵan.

Twitter-de jarıalanǵan vıdeoǵa baılanysty áleýmettik jeli qoldanýshylar túrli boljamdar jasaǵan.

Bir pikir jazýshy "Olar Úndistanǵa shabýyl jasamaq pa?" dep surasa, taǵy bireýi "Úndistandy osylaı qorqytqysy keledi, biraq bul áser etpeıdi!" dep jazǵan.

"Myrza, siz nege 3Ft sarbazdaryńyzdy sırkke shaqyrdyńyz? Qarjy máselesi men Qytaıdan ketip jatqan kompanıalarǵa nazar aýdaryńyz!" dep jazǵan keıbir áleýmettik jeli qoldanýshylar.

Jattyǵýlardy qoldaǵandar da bolǵan.

Keıbiri "jaqsy" jáne "alǵa!" degen sıaqty qoldaý pikirlerin qaldyrǵan.

Jattyǵýlar Qytaı, Úndistan jáne AQSH arasyndaǵy shıelenisý jaǵdaıynda ótip jatyr.