Akter Sasha Baron Koen "Borat-2" fılmin jaryqqa shyǵardy dep jazady Collider basylymy.

Sasha Baron Koen 2006 jyly "Borat: Qazaqstan halqynyń ıgiligi úshin amerıkalyq mádenıetti zertteý" ("Borat: Cultural Learnings of America for Make Benefit Glorious Nation of Kazakhstan") atty fılm shyǵarǵan. Fılmde  Koen qazaqstandyń telejýrnalısttiń rólin somdaıdy. Fılmde Qazaqstan mesheý, arzyz, jezóksheliktiń otany retinde, halyq turmys-tirshiligi tym suryqsyz etip kórsetilgen. Akter bul áreketin "shoý jasaǵym keldi" dep túsindirgen.

Collider aqparat agenttiginiń habarlaýynsha, Koen ótken aıda Los Andjeles qalasynda bir túsirilimde júrgenin jarıalaǵan. Ózge BAQ derekkózine súıensek, ekinshi fılmde "Borat" Sasha Koenniń ózin somdaıdy. 

"Borattyń" jalǵasyn túsirýge kimniń qarjy bólip, kómektesip jatqany belgisiz. Alǵashqysyn 18 mıllıon dollarǵa túsirgen. Bul fılm  búkil álem boıynsha 262 mıllıon dollar tabys ákelgen.