Qurama Shtattardaǵy aldyn ala saýalnamalardyń deniniń nátıjelerinde prezıdenttikke demokrat úmitker Baıden kósh bastap turǵandyqtan, Tramp óz baılyǵynan saılaý naýqanyna 100 MILLION dollar bólýi múmkin ekenin aıtty.

Qazirgi ýaqytta AQSH prezıdentinen demokratıalyq qarsylasy Djo Baıden jalpyulttyq pikir suraýda basyp ozýda. 2016 jyly Tramp saılanýda jeńip shyǵý  úshin óziniń jeke dáýletinen 66 mıllıon dollar jumsaǵan. Alaıda ókilettegi prezıdenttiń óziniń qaıta saılaý naýqanyna qomaqty qarjy qosýy erekshe jaǵdaı.

Tramp Florıdada sóz sóıleý úshin attanar aldynda Vashıngtonnyń syrtyndaǵy Endrús birlesken bazasynda jýrnalıserge kútpegen málimdeme jasady.

Jýrnalıserge sóılegen sózinde ol "qajet bolsa, men (qarjy) bólemin. Biraq bizge bul qajet emes" degen.

Prezıdent óziniń qarasha aıynda qaıta saılanýyn qamtamasyz etý úshin "ne kerek bolsa da" bárin jasaıtynyn aıtty.

Tamyz aıynda Baıdenniń naýqany bir aıda 365 mıllıon dollarǵa jetip, jańa rekord jasady.

Buǵan deıin eń joǵary bolǵan Barak Obamanyń naýqany 193 mıllıon dollarǵa jetken.

Tramp naýqany tamyz aıynda qansha aqsha jınaǵany týraly áli jarıa etpedi.

Alaıda, respýblıkashyldar tórt kúndik respýblıkalyq ulttyq kongreste 76 mıllıon dollar jınady dep málimdegen.