Qazaqstannyń densaýlyq saqtaý mınıstri Alekseı Soı koronavırýstyń ekinshi tolqynyna daıyndyq júrip jatqandyǵyn aıtty. Bul týraly ol ortalyq komýnıkasıalar qyzmetindegi brıfıńte aıtty.

– Biz kórshiles memleketterge monıtorıń júrgizip, baqylap otyramyz. Sondaı-aq Eýropa aımaǵynda ornalasqan (Italıa, Ispanıa, Germanıa, Túrkıa, Ońtústik Koreıa) memleketterin de qarap, aýrýdyń kúrt óskenin baıqaımyz. TMD elderinde indettiń ósýi 0,5% quraıdy, bul bizdiń elge qaraǵanda 5 ese joǵary kórsetkish, – deıdi ol.

Mınıstr óz sózinde álemdik pandemıanyń ekinshi tolqynyna daıyndalyp jatqandyǵyn jetkizdi.

– Bolyp jatqan jaǵdaı bizdi alańdatpaýy múmkin emes. Qazaqstan basqa elder sıaqty koronavırýstyń ekinshi tolqynyna daıyndalyp jatyr, – dedi Alekseı Soı.

Ótken táýlikte 86 adamda koronavırýs indeti PTR arqyly rastaldy. Jalpy el boıynsha aýyrǵandar sany – 106 584.