Jańa oqý jyly qashyqtan oqytý rejıminde bastaldy. Biraq, shalǵaı aýyldarda turatyn keıbir otbasylardyń úıinde ınternet turmaq kompúter de joq. Osyǵan oraı, oblysymyzda áleýmettik az qamtylǵan otbasylardyń balalaryna qashyqtan oqýǵa jaǵdaı jasaý maqsatynda 55 myńnan astam derbes kompúter satyp alynady.

Tehnıkalyq quraldardyń alǵashqy bóligi Taldyqorǵan qalasyndaǵy Polıtehnıkalyq kolejine jetkizildi. Respýblıkalyq búdjetten bólingen derbes kompúterlerdi arnaıy qurylǵan komısıa músheleri qabyldap aldy.

Shara barysynda oblystyq bilim basqarmasynyń basshysy Maıgúl Omarova:

– Qashyqtyqtan bilim alý ýaqyt talaby. Dese de biz az qamtylǵan otbasylardy oılaýymyz kerek. Sondyqtan birinshi kezekte kompúterler ár aýdan-qalalardaǵy az qamtylǵan otbasylarǵa beriledi. Kompúterlerdi kezeń-kezeńimen jetkizý jumystary jalǵasyp jatyr. Búgin alǵashqy bóligin aldyq. Búldirshinderimizge, bolashaq bilimdi jastarǵa barlyq jaǵdaı jasalyp jatqanyna shyn júrekten qýanyshtymyz! Qajetti tehnıka barlyq aýdan-qalalarǵa beriletin bolady, – dedi.

Kompúter, noýtbýk jáne planshet sıaqty qajetti tehnıkalar satyp alýǵa respýblıkalyq búdjetten 8,6 mlrd. teńgeden astam qarjy bólingen. Aıta keteıik bul tehnıkalar otandyq «ATEKA» kompanıasynan alyndy. Bul kompterlerdiń ereksheligi – «WI-FI» adapterleri bar. Iaǵnı, endi oqýshalarǵa ınternet tapshy emes. Tehnıkalyq quraldardyń alǵashqy bóligi Aqsý, Qaratal aýdandary men Taldyqorǵan qalasynyń oqýshylaryna berildi. Aldaǵy aptada tehnıkalyq qurylǵylardyń taǵy bir bóligi keledi dep josparlanýda.