Qyzylordada adam óltirdi dep aıyptalǵan kúdiktige úkim shyqty. Ol eki jylǵa bas bostandyǵynan shektelgen. Japa shegýshi tarap, bul úkimmen kelispeıtinderin aıtty, dep habarlady astanatv.kz.

Qaıǵyly oqıǵa bıyl aqpan aıynda bolǵan. Qaıtys bolǵan balanyń anasy áldekimniń pyshaqtap óltirip ketkenin aıtty.  

– Baýyzdap ketken adamdy eki jyl berip, qazir bostandyqta júr degen esep. Prezıdentimiz Qasym-Jomart Toqaevqa, İshki ister mınıstrine, sosyn Qazaqstannyń bas prokýroryna úndeý jazyp, vıderolıkpen jazdym. Endi appılásıaǵa jazyp jatyrmyn, – deıdi jábirlenýshiniń anasy Janat Kenjeeva.

Qyzylorda oblysynyń qylmystyq ister jónindegi mamandandyrylǵan aýdanaralyq sotynyń málimetinshe, sottalýshy qorǵaný maqsatynda jábirlenýshige sýyq qarý jumsaǵan. Alǵashynda "Adam óltirý" babymen is qozǵalǵanymen, keıin is qaıta qaralǵan.

– Sottalýshy búgingi tańda 102-baptyń sanksıasynda kózdelgen eki jylǵa bas bostandyǵyn shekteý jazasy taǵaıyndaldy. Iaǵnı bul jerde qajetti qorǵanys sheginen shyǵyp adam óltirgen. Qylmystyq prosestik 337-babynyń 7-bóligine sáıkes 99-bap 102-bapqa qaıta saralanyp sot úkimi qabyldandy, – dep aıtty oblysynyń qylmystyq ister jónindegi mamandandyrylǵan aýdanaralyq sotynyń keńse meńgerýshisi Ál-Farabı Jaqsylyqova.