Qytaı Tynyq muhıtynan zymyran ushyra alatyn júzbeli ǵarysh aılaǵyn salyp jatyr.

Qytaıdyń Shandýn provınsıasyndaǵy Haııan qalasynyń jaǵalaýyndaǵy "Shyǵys aeroǵaryshtyq portynda" shaǵyn zymyrandardy salý jáne olarǵa qyzmet kórsetý bastalady.

"Muny Qytaıdaǵy "China Aerospace Science and Technology Corp (CASC)" dep atalatyn eń iri qorǵanys merdigeri jasaıdy" dep habarlaıdy Universe Today.

"Jaqyn ýaqytta teńizde ornalasqan ushyrý qondyrǵylary áldeqaıda jıi bolady dep kútilýde" delingen jańalyqtar saıtynda.

Shyǵys aeroǵaryshtyq porty jeńil kóliktermen qatar, shaǵyn zymyrandardy, jer serikterin jáne basqa ǵaryshtyq tehnologıalardy ushyrýmen aınalysady.

Ótken aptada CASC sheńberindegi Qytaıdyń kólik quraldaryn iske qosý tehnologıasynyń jetekshisi Van Sáodzún porttyń qurylysynda "aıtarlyqtaı ilgerileýshilik" bolyp jatqanyn aıtty.

Beıjiń jerserikterdi qashan ushyratyny ázirge belgisiz. Qurylys aıaqtalǵannan keıin port Qytaıdyń zymyrandardy ushyratyn besinshi alańy atanady.

Teńizden ushyrý – ǵaryshtyq tehnologıanyń kelesi qadamy.

Olar orbıtaǵa jetý úshin az otyndy qajet etedi, demek, bul tehnologıa ekvatorǵa jaqynyraq ornalastyrý múmkindigi sıaqty artyqshylyqtarǵa ıe.

AQSH-tyń SpaceX zymyran kompanıasy shýyl týraly shaǵymdar estimes úshin aldaǵy "Starship" ǵarysh kemesin qalqymaly jastyqshalardan ushyrýǵa úmitti ekenin málimdedi.

Qytaı ótken jyly óziniń alǵashqy teńiz ushyrylymyn aıaqtap, ǵaryshqa bes komersıalyq jer serigin jáne taǵy eki eksperımenttik tehnologıany jiberdi.

7 qarasha kúni qytaılyq BAQ Beıjińniń qaıta paıdalanýǵa bolatyn tájirıbelik zymyrandardy sátti ushyryp, qaıtadan qondyrǵanyn habarlap, Qytaıdyń ǵaryshty ıgerýindegi mańyzdy jetistikke qol jetkizgenin jarıalaǵan bolatyn.