Májilis depýtaty Asylbek Smaǵulov Qazaqstan Respýblıkasy ortalyq saılaý komısıasynyń múshesi qyzmetine taǵaıyndaldy. Bul týraly májilistiń jalpy otyrysynda habarlandy.

Májilis tóraǵasy Nurlan Nyǵmatýlın Asylbek Smaǵulovtyń kandıdatýrasyn Ortalyq saılaý komısıasy múshesi retinde taǵaıyndaý týraly usynys engizgen.

Smaǵulov Asylbek Aıjaryquly 1970 jyly Aqtóbe oblysy Yrǵyz aýdanynda dúnıege kelgen. Zań ǵylymdarynyń doktory, profesor.

QR İİM Qaraǵandy joǵary mektebin bitirgen.

2000-2012 jyldary Qazaqstan Respýblıkasy Qarjy polısıasynyń akademıasynda qylmystyq quqyq jáne krımınologıa kafedrasynyń dosenti, bastyǵy, akademıa bastyǵynyń ǵylymı-zertteý jumysy jónindegi orynbasary, akademıa bastyǵynyń oqý-ádistemelik jumysyn uıymdastyrý jónindegi orynbasary qyzmetterin atqarǵan.

2012-2016 jyldary "Qazaqstan Respýblıkasynyń Zańnama ınstıtýty" MM dırektory qyzmetinde bolǵan.

2016 jylǵy 24 naýryz aıynan bastap "Nur Otan" partıasynan VI saılanǵan Qazaqstan Respýblıkasy Parlamenti Májilisiniń depýtaty bolyp saılandy.

Búginge deıin Qazaqstan Respýblıkasy Parlamenti Májilisiniń Zańnama jáne sot-quqyqtyq reforma komıtetiniń múshesi bolǵan.