Qazaqstan qorǵanys mınıstrligi aqparat jáne komýnıkasıa departamentiniń ókili, maıor Ǵanı Núsipovtyń aıtýynsha, atalǵan áskerı jıyn Belarýstiń ishki saıası jaǵdaıymen baılanysty emes.

– "Nerýshımoe bratstvo" jıyny 2012 jyldan beri jyl saıyn ujymdyq qaýipsizdik sharty uıymy elderiniń bitimgerlik kúshteri arasynda ótip keledi. Bıyl sharaǵa Qazaqstan jaǵynan birneshe adam jedel top sapynda baqylaýshy retinde qatysady. Olar bitimgerlik operasıalaryndaǵy uıymdardyń tájirıbesi men ereksheligin zerdeleıdi, – dedi ol.

Sondaı-aq mınıstrlik oqý-jattyǵýdy Belorýs aýmaǵynda ótkizý ujymdyq qaýipsizdik sharty uıymynyń 2018 jyly bekitilgen 2025 jylǵa deıingi ujymdyq qaýipsizdik kelisimi aıasynda júzege asatynyn habarlady.

Buǵan deıin prezıdent saılaýynan soń azamattardyń narazylyq aksıalary basylmaı turǵan Belorýske Qazaqstan, Reseı, Armenıa, Qyrǵyzstan, men Tájikstan elderiniń áskeri attanatyny týraly aqparat taraǵan.