"Bekbolat Tileýhan zańsyz qarý satý saýdasynda kómektesti" degen jigittiń vıdeosyn alǵashqylardyń biri bolyp jýrnalıs Toqtar Jaqash facebook paraqshasynda jarıalaǵan bolatyn. Sol beınejazbadan keıin de jazbalar jazyldy. Jeli belsendisi bul joly Talǵat Rysqulbekovtyń salǵan vıdeosyna kúmáni bar ekenin jetkizdi.
Talǵat Rysqulbekov "shetelge qarý sattyq" degen azamattyń Bekbolat Tileýhannan keshirim suraǵan vıdeosyn jarıalaǵan edi.
Tómende Toqtar Jaqashtyń jazbasy ózgertýsiz berilgen.
"Eki áńgimem bar. Birinshisinen bastaıyn. Talǵat Rysqulbekov degen mrakobes "Qarý týraly vıdeodaǵy jigit aqtaldy" dep bir vıdeo salypty da meni ózderiniń aqıdasy boıynsha qarǵap-silep tastapty (qarǵysy óz basyna kórinsin!) Biraq ol vıdeodaǵy adam múldem basqa. Basqa ekenin ajyratý úshin eshqandaı ekspert bolýdyń qajeti joq. Kóziń sál durys kórip, qulaǵyń durys estise boldy. Ekinshiden, ol jigit rasymen solaı shyqqan kúni Rysqulbekovtyń postyna laık basqan "Asyl arnalyq" Muhamedjan Tazabek, Ardaq Baıǵabyl, Birjan Baıtýov, Erlan Ábdiraman degen úlken-kishi mrakobesteri sol sátte alaqaılap súıinshi surap, myń ret bóliser edi! Aıtpaqshy, Rysqulbekovtyń qarǵysyna laık basqany - dál osy "Asylarnalyqtardyń" bet-beınesin ashyp kórsetip tur. Iaǵnı, tilinen tátti tezek túsetin Muhamedjannan bastap, barlyǵy birdeı qarǵys aıtýdy tájirıbede qoldanady degendi bildiredi. Akter Ulan Núsipáliniń basqan laıky da negizinen durys boldy. Ulan Núsipáliniń týǵan inisi - Baıtaq - Muhamedjannyń týǵan qaryndasyn alyp otyr. Qazir Baıtaq "Asyl arnanyń" zavhozy. Olardyń tilimen aıtqanda "sharýashylyq isteri boıynsha dırektory". Sonda, Ulan men Muhamedjan týǵan quda bolyp shyǵady. Baıqaýymsha, Ulannyń aqıdasy da osylardan alys emes.
Jaǵdaıǵa qaraǵanda vıdeorolıktegi jigitke uqsaıtyn bireýdi izdep taýyp, álgindeı "keshirim suratý" senarıi de aldyn-ala oılastyrylǵan sekildi. Áıtpese, rolıktiń shyqqanyna bir apta boldy. Osy ýaqytqa deıin álgi adamdardy taýyp alar edi ǵoı!" delingen jazbada.
