Mańǵystaýda 9 jyl buryn joǵalyp ketken qyz Almaty qalasynan tabyldy. Bul týraly kazlenta.kz habarlady.

Saıt málimetinshe, 2011 jyly Mańǵystaýdyń on alty jastaǵy turǵyny emtıhandaryn tapsyra almaǵan soń, qoryqqanynan úıine oralmaǵan. Al ata-anasy biraz ýaqyttan soń ony óldi dep sanaǵan. 

Joǵalǵan qyzdy izdestirýdi polıseıler toqtatpaǵan. Arada toǵyz jyl ótken soń qyz Almaty qalasynan tabylǵan. 

– Joǵalǵan adamdar 12-15 jyldan keıin de tabylyp jatady. Kóp ýaqyt ótken soń ata-anasy óldi dep oılaǵan bul qyzdy da taýyp aldy. Joǵalatyn kúni qyz mektepke emtıhan tapsyrýǵa ketken. Sodan beri baılanysqa shyqpady.

Atalǵan jaǵdaı boıynsha, aýdandyq polısıa bólimi izdestirý sharalaryn júrgizgen. Alaıda quqyq qorǵaý organdary qyzmetkerleri men týystarynyń izdeýi esh nátıje ákelmegen. Sharasyz ata-ana ony óldige sanaǵan. İstiń mán-jaıyn tekserý barysynda qyzdyń mektep emtıhandaryn tapsyra almaı, úıine oralýǵa uıalǵany, sol sebepti ketýge sheshim qabyldaǵany anyqtaldy. Qazir qyz ata-anasyna oraldy, – dedi vedomstvonyń baspasóz qyzmeti.