Belgili aıtysker aqyn Rınat Zaıtov elde halyq pen bılik arasyna eki jaqqa da durys túsinikteme beretin dáneker qajet degen pikirde. Bul týraly ol jýrnalıs Nartaı Aralbaıulymen áleýmettik jelide ótken tikeleı efır barysynda aıtty. 

Ol óz sózinde elde taǵy da karantın qaıtalanatyn bolsa, bılik halyqqa túsindirme jumystaryn júrgizýi qajet ekenin atap ótti.

– Qazaqstanda ótken jolǵy karantın qaıtadan qaıtalanatyn bolsa, halyq pen bılik arasynda eki jaqqa da durys túsinikteme beretin dáneker qajet. Bizde qazir eshkim túsindirme jumystaryn júrgizip jatqan joq. Eshteńe túsinbegen halyq alańǵa shyǵady. Al, alańǵa shyqqan halyqty polısıa ustap áketip jatyr. Odan ne shyǵady? Dıalog shyǵady ma?! Sondyqtan qazirgi tańda eldiń tynyshtyǵyn, shekaranyń bútindigin oılaǵan jigitter barynsha jan-jaqtan dabyl qaǵyp úkimetpen dıalog quryp, parlamentke barý kerek. Mıtıńte dıalog bolmaıdy, – dedi Zaıtov.

Onyń aıtýynsha, elde parlament resmı túrde ǵana bar. Ol kózi kórgeli ádiletti saılaýdyń bolmaǵannyn atap ótti.

Sondaı-aq aqyn partıasynyń baǵdarlamasy daıyn ekenin de aıtty.

– Maǵan 20 myń adam jınaý qıyn emes. Partıanyń baǵdarlamasy daıyn tur. Biraq qazir partıany tirkeıtin saılaý komısıasy joq. Men áreket jasaǵanymmen ony tirkemeıtinin bilemin. Sol úshin adamdardy áýrege salǵym kelmeıdi. Eger múmkindik berse, maǵan daıyn partıanyń artynan barǵan durys shyǵar saılaýǵa. Sonda artymnan ergen adamdardy dalada qaldyrmaımyn. Byltyr baqylaýshylardy qamaǵan kezde adamdardy alyp shyǵa almaı qaldyq, – deıdi aıtysker.

Suhbattyń tolyq nusqasyn tómendegi vıdeodan kóre alasyz