Qaýipsizdik keńesiniń tóraǵasy Nursultan Nazarbaev koronavırýspen qalaı aýyrǵanyn aıtty, dep habarlady Tengrinews.kz.

– Men aýyryp shyqtym, ondaıdy eshkimge tilemeımin. Sondyqtan maskalaryńyzdy sheshpeńizder. Tizemen nemese shyntaqpen amandasyńyzdar, ózderińizge abaı bolyńyzdar. (...)", – dedi Nursultan Nazarbaev jýrnalıserdiń suraqtaryna jaýap bere otyryp.

Tuńǵysh prezıdent qazaqstandyqtarǵa tilegen tilekteri úshin alǵysyn jetkizdi.

– Maǵan búkil Qazaqstannan tilekter aıtyldy. Áriptesterimniń, búkil álem prezıdentteriniń, mınıstrlerdiń tilekteri jazylǵan myńdaǵan jedelhat aldym. Taǵy da bárine rahmet. Meniń oıymsha, bul da ótedi. Qazir vaksına  180-ge jýyq elde ázirlenip jatyr. Qazaqstannyń óz vaksınasy bar. Biz Reseımen kelistik, alǵashqy úmitkerlerdiń biri bolamyz. Mysaly, AQSH-ta dári oılap tapqan kezde onyń 10 jyldan keıin ruqsat etiletini aıtyldy. Sondyqtan biz bul vaksınany kútemiz. Qalaı bolsa, meniń oıymsha, bul kórsetkish tómendeıdi. Aýyrmańyzdar, barlyǵyńyzǵa densaýlyq tileımin, – dedi Elbasy.