4 qyrkúıeginde «Almaty Finance» kompanıasy («Almaty» ÁKK enshiles kásiporny) jýrnalıserge Naýryzbaı aýdanyndaǵy «Ala Estate» JSHS kompanıasynyń alǵashqy ónerkásiptik parkin tanystyrdy.

Atalǵan nysan «Almaty Business 2025» memlekettik baǵdarlamasy aıasynda ótken jyldyń qarasha aıynda iske qosylǵan.

Almaty Finance kompanıasy Jobalardy súıemeldeý departamenti dırektory Nurjan Sadyqov jýrnalıserge usynylǵan nysandaǵy qoldaý sqemasy jóninde baıandap berdi:

«Jobanyń basty maqsaty qoldanystaǵy óndiristik ǵımarat alańdaryn qaıta jóndeýden ótkizip, jetildirý. Sonymen qatar, osy ónerkásiptik park aýmaǵynda biryńǵaı klaster qurý mindeti qoıyldy. Bylaısha aıtsaq, osyǵan uqsas baǵyttaǵy jobalardy ornalastyrý. Ǵımarat alańy belgilengen tómen baǵamen jalǵa beriledi. Iaǵnı, 1sharshy metriniń baǵasy 1000-1200 tg teń, al jalǵa berý merzimi 5-7 jyl. Birinshi joba Furtina kompanıasy júzege asyratyn jıhaz óndirisine qatysty. Munda eki ese jetistikke qol jetkizildi.

Iaǵnı, biz ónerkásiptik park qurylysyna qoldaý kórsettik. Al onyń aýmańynda bizdiń qoldaýymyzǵa sáıkes, jıhaz jasaý jobasy júzege asyrylýda. Eger ónerkásiptik parkti jyldyq 6% mólsherlememen qarjylandyrsaq, al jıhaz jasaý jobasyna jyldyq 2% mólsherlememen qarajat bóldik. Biz 7 jylǵa deıingi merzimge ınvestısıalyq jobalardy júzege asyrý úshin, al 3 jylǵa komısıasyz kapıtal aınalymyna qoldaý kórsetý maqsatynda jyldyq 2 jáne 6% mólsherlememen nesıe beremiz. Nesıelendirý baǵdarlamalarynyń ereksheligi — biz klıentpen tikeleı baılanysyp, tolyqtaı qyzmet túrlerin usynamyz.»

Almaty Finance kompanıasy ókiliniń aıtýynsha, kásipkerler úshin taǵy da birqatar artyqshylyqtar bar. Atap aıtsaq, jobany qarastyrý barysynda eshqandaı komısıa alynbaıdy. Búǵan qosa, seriktesterge «Almaty fınans» kompanıasy, Qolday kásipkerlik ortalyǵy, «Almaty» shaǵyn qarjy úıymy ornalasqan «Investısıalar úıinde» qyzmet túrleri kórsetiledi. Sondaı-aq, qarajatty bekitý merzimi 30 kúnnen 5-10 kúnge deıin qysqartyldy.

Aldaǵy ýaqytta Almaty qalasynda osy ndaı taǵy alty ónerkásiptik parkterdi qurý josparlanýda. Buǵan qosa, ınvestor kreatıvti ındýstrıa, áleýmettik nysandardy salý, óńdeý ónerkásibi jobalaryn damytý, turaqsyz saýda nysandary jelisin damytý salasyndaǵy jobalarǵa qoldaý kórsetpek. Almaty Finance kompanıasy ókilderiniń aıtýyna súıensek, bulardyń qataryna ónerkásiptik parkter, qyzmet kórsetý ortalyqtary, «qoljetimdi jerde» ornalasqan jańa formattaǵy dúkender jatady.

Qazirgi sátte, baǵdarlama aıasynda 6,6 mlrd tg somasyna 29 joba maquldandy. Olardyń ishinde, 17 joba 5,4 mlrd tg kóleminde qarjylandyrylyp, 214 jumys orny ashyldy. Sondaı-aq, 1,7 mlrd tg teń jobalar qazir qarastyrylý ústinde.

Ortalyq pen perıferıa arasyndaǵy iskerlik klımattaǵy tegerimsizdikti joıý úshin, qalanyń jańa aýdandaryna, onyń shet aımaqtaryna basty nazar aýdarylady.

«Ala Estate» JSHS basshysy Qanat Bıdaralovtyń aıtýynsha, ónerkásiptik park aýmaǵynda qazirgi sátte korpýstyq jıhaz ben medısınalyq jáne arnaıy jıhaz óndiretin kompanıalar ornalasqan. Qyrkúıek aıynyń sońyna deıin munda keńse taýarlary, ekologıalyq qaptamalar men betperdeler óndiretin kásiporyndar iske qosylmaq.