Armenıa Taýly Karabahtaǵy qaqtyǵysqa baılanysty 18 ben 55 jas aralyǵyndaǵy er adamdardyń elden shyǵýyna shekteý qoıdy. Elden shyqqysy keletinder áskerı komısarıattan ruhsat alýǵa tıis, dep habarlady Sputnik Armenıa.

Erevan elde áskerı jaǵdaı engizip, jappaı mobılızasıa jarıalaǵan. El bıligi 55 jasqa deıingi zapastaǵy ofıserlerdi, praporshıkter men qatardaǵy jaýyngerlerdi áskerge shaqyrdy.

Óz kezeginde Ázerbaıjanda da áskerı jaǵdaı engizilip, Ázerbaıjan ulttyq jıyny shaqyryldy. Qala men aımaqtardaǵy áskerı bólimderde komendattyq saǵat engizildi. Sondaı-aq elde ishinara mobılızasıa jarıalandy.

Taýly Qarabaq aımaǵyndaǵy qaqtyǵys 27 qyrkúıekte bastalǵan. Taraptar qaqtyǵystyń týýyna birin-biri kinálaıdy.

Ázerbaıjan alǵashqy kúndegi qaqtyǵys kezinde Armenıanyń 550 soldaty qaza bolǵanyn habarlaǵanymen, Armenıa muny joqqa shyǵardy.

28 qyrkúıekte táýelsizdigi moıyndalmaǵan Taýly Karabah Respýblıkalysynyń qorǵanys mınıstrligi elde qarýly qaqtyǵystar saldarynan 53 áskerıdiń ólgenin habarlady.