«Almaty yntymaqtastyǵy» kórmesi

/image/2020/09/29/crop-90_9_826x1101_63c8122d-65f7-417d-89aa-18e7a86ecfa6.jpg

Almaty qalasynyń ákimdigi qala kúnin merekeleý aıasynda pandemıa kezinde koronavırýspen kúreste aldyńǵy qatarda bolǵan dárigerlerdiń eńbegi men erligine degen alǵys pen qurmet belgisi retinde «Almaty yntymaqtastyǵy» kórmesin uıymdastyrdy. Almatylyqtar metro stansıalary men LED-ekrandardaǵy bılbordtardan aq halatty batyrlardy kóre alady.

Fotosessıaǵa №29 Qalalyq emhanasynyń, Almaty qalalyq Jedel Medısınalyq járdem qyzmetiniń, № 1 Qalalyq klınıkalyq aýrýhanasynyń, SHJQ «Ortalyq qalalyq klınıkalyq aýrýhana» MKK, №17 Qalalyq emhanasynyń, I.S. Jakenova atyndaǵy qalalyq klınıkalyq juqpaly aýrýlar aýrýhanasynyń jáne Qalalyq Balalar Juqpaly Aýrýlar aýrýhanasynyń 100-den astam medısına qyzmetkerleri qatysty.

«Ózimnen jáne óz áriptesterimnen fotosessıaǵa shaqyrǵany úshin úlken alǵysymdy bildirgim keledi. Naýryz aıynan beri kórmegen kóptegen áriptesterimizdi kórdik. Tájirıbe almasyp, bir týǵandaı áńgimelese aldyq. Kóńil-kúıdi kóterip, esikterdiń arǵy jaǵynda ne bolyp jatqanyn umytatyn osyndaı is-sharalar kóbirek bolsa eken», — dep bólisti «MQKK» SHJQ MKK bas medbıkesi  Gúlmıra Abdýllaeva.

Kórmede qıyn ýaqytta azamattardyń densaýlyǵy úshin kúreskenderdiń bir bóligi ǵana usynylǵan.

Eske sala keteıik, QR Prezıdenti Qasym-Jomart Toqaev óz Joldaýynda dárigerdiń eńbegin baǵalaýǵa shaqyrdy. Ol sondaı-aq úlken jumys jasaǵan kishi medısına qyzmetkerleriniń eńbek maıdanyn atap ótti.

Qatysty tegter :

Pikir qaldyrý

Qatysty Maqalalar