Nur-Sultandaǵy qylmystyq ister jónindegi mamandandyrylǵan aýdanaralyq sotynda ótken pikirtalasta Aqtóbe oblysy ákiminiń burynǵy orynbasary Rýslan Mamýnovty 14 jylǵa bas bostandyǵynan aıyrýdy talap etilti. Bul týraly "Nasha gazeta"  habarlady. 

28 qyrkúıek  Nur-Sultandaǵy qylmystyq ister jónindegi mamandandyrylǵan aýdanaralyq sotynda Aqtóbe oblysy ákiminiń burynǵy orynbasary Rýslan Mamýnovqa qatysty atyshýly iske qatysty sot otyrysy ótti. "Qostanaıdyń eks-ákimi Ahmedbek Ahmetjanovtyń jazasyn jeńildetýge kómektesemin dep alǵan 1,2 mıllıon dollardy zańsyz paıdalandy" degen Rýslan Mamýnovtyń kinási dáleldengen.. 

Memlekettik aıyptaýshy Almat Sembıdiń aıtýynsha, ol bul qarajatqa Lexus 570 kóligin satyp alǵan.

– Mamýnov birneshe transhpen aqsha ala otyryp, Joǵarǵy sottyń sýdıalarymen túni boıy monshada bolyp, "bir kelisimge keldik" dep Ahmetjanovtyń týystaryn sendirgen. Tipti osy kezdesýdiń vıdeosyn kórsetti. Biraq is júzinde ol bul aqshany jyljymaly jáne jyljymaıtyn múlik satyp alýǵa jumsady. Atap aıtqanda, 001 RUS memlekettik nómiri bar Lexus 570 kóligi, – dedi Almat Sembı.

Prokýror Mamýnovty múlkin tárkileýmen 14 jylǵa bas bostandyǵynan aıyrýdy jáne ómir boıyna memlekettik qyzmet atqarý quqyǵynan aıyrýdy surady.

Sottalýshynyń advokaty Marat Abdrashıtov barlyq aıyp Qostanaıdyń eks-ákiminiń áıeli men aǵasynyń "negizsiz jáne jalǵan" aıǵaqtaryna negizdelgendigin aıtyp otyr:

– Ahmetjanovtar sybaılas jemqorlyqqa qarsy qyzmetke Mamýnovqa shamamen 1,2 mıllıon dollar aýdarǵan soń, úsh jyldan keıin júgingen. Aqsha qarajatyn aýdarý týraly esep bolǵan joq. Olardyń birden júginýine ne kedergi boldy? Múmkin bul Mamýnovtyń memlekettik qyzmetke kirýine jáne onyń Aqtóbe oblysy ákiminiń orynbasary bolýymen baılanysty shyǵar? Múmkin Ahmetjanovtar ózderi paıda kórgisi keldi me? – dedi advokat.

Sondaı-aq advokat aıyptaýshylardyń 1,2 mıllıon dollardy qaıdan alǵanyna kúmán keltirdi. Qostanaı eks-ákiminiń áıeli olardy týystary men dostarynan qaryzǵa alǵanyn aıtty.

Rýslan Mamýnovtyń ózi sotta Ahmetjanovtar oǵan aýdarylǵan aqshanyń shyǵý tegi týraly kýálik berý kezinde "sotty aldap jatyr" dep aıtty. Onyń aıtýynsha, Ahmetjanovtardyń mundaı somany qalaı jınaǵanyn anyqtaý kerek.

– Men ózimdi kinásiz dep sanaımyn, múmkin bolsa, úıge barýǵa ruqsat etińiz, – dedi sottalýshy.

Rýslan Mamýnov Aqtóbe oblysy ákiminiń orynbasary bolyp 2019 jyldyń qarashasynda taǵaıyndalǵan bolatyn.