BUU qaýipsizdik keńesi Armenıa men Ázerbaıjandy dereý oq atýdy toqtatyp, kelissóz jasaýǵa shaqyrdy. Bul týraly jabyq túrde ótken keńestiń qorytyndysynda BUU janyndaǵy Nıgerıanyń turaqty ókili Abdý Abarrı málimdedi, dep habarlady RIA Novostı. 

"Qaýipsizdik keńesiniń músheleri kúsh qoldanǵandardy qatań túrde aıyptap, adamdardyń qaıtys bolýyna baılanysty ókinish bildirdi" delingen Abarrı BAQ-qa oqyǵan habarlamada. 

Sondaı-aq Abarrı jýrnalıserge Qaýipsizdik keńesi qaqtyǵys aımaǵyndaǵy jaǵdaıdy joıý úshin qolynan kelgenniń bárin jasaıtynyn aıtty.

"Biz jaǵdaıdy tynyshtandyrý úshin qaýipsizdik keńesiniń músheleri retinde qolymyzdan kelgenniń bárin jasaımyz. Qajet bolsa, biz eki ókilmen (Armenıa men Ázerbaıjan) Nú-Iorkte jáne oqıǵa ornynda ortaq til tabýǵa kómektesý úshin sóılesemiz" dedi BUU janyndaǵy Nıgerıanyń turaqty ókili.